【姊妹學校交流計劃-體育科技走進校園（東莞站）暨 2024創新科技及體育文化交流團】 

今次PRISTER 同聖公會李福慶中學 嘅學生去東莞參加兩日一夜嘅交流活動，希望可以俾機會香港學生同內地學生交流兩地體育文化同創新科技發展。等我哋重溫一下第一日嘅精彩行程啦！ 

首先，我哋去到姊妹學校-萬江第三中學 參加啟動典禮，內地學校為香港學生準備歡迎儀式，迎接香港學生嘅到來。 

之後我哋同姊妹學校嘅學生一齊參加數字體育運動會。兩地學生一齊進行二人三足比賽、敏捷反應比賽、跳繩比賽同埋接力比賽。所有學生都好投入活動，好快就熟悉起嚟。 

下晝我哋同姊妹學校嘅學生進行籃球友誼賽。友誼賽非常精彩。正所謂友誼第一，比賽第二，更重要嘅係同學都好享受運動帶嚟嘅快樂。